জীৱন= f(বিকল্প)

সন্ধিয়া সময় -- হোষ্টেলৰ কাষতে থকা পুূথিভৰালটোত এটা-দুটাকৈ লাইট জ্বলিছে - ষ্ট্ৰীট লাইটৰ পোহৰত পাহাৰৰ ওপৰত থকা কেম্পাছটোৰপৰা তলৰ সমতললৈ একাবেকাকৈ নামি যোৱা পথটো জিলিকি উঠিছে - - চৌদিশৰ অন্ধকাৰৰ মাজত এনে লাগিছে যেন একাবেকা পথটো তৰাভৰা আকাশখনৰ পৰাহে নামি গৈছে - আই আই এম কোজিকোড়ৰ আন এটা নাম গড'চ আউন কেম্পাছ - কাৰণটো সন্ধিয়াৰ এনে এটা মনোৰম দৃশ্য দেখিলে সহজেই বুজিব পাৰি --

অনিৰুদ্ধ আৰু মই ওলাই আহিলোঁ হোষ্টেল ৰুমৰ পৰা - সময় পালে সন্ধিয়া সময়তে আমি দুয়োটাই জগিং কৰোঁ-  ৰাতিপুৱা কৰিবলৈ সময় নাই - শুই উঠিয়েই নাকে কাণে ব্ৰেকফাচ্ট গুজি পোনে পোনে ক্লাছৰুম যাব লাগে -- যোৱা দুটা বছৰে অকল খাই খাই পেটদাল বহালোঁ - এতিয়া সেয়েহে ভাবিছোঁ কেম্পাছ এৰাৰ আগে আগে অলপ জগিং কৰি শ্লিম হৈ লও -- অনিৰু্দ্ধ আৰু মই প্ৰায়েই আহোঁ কাম নাথাকিলে - আহি তলৰ সমতল ভাগ পালেহি অনিৰুদ্ধে ফিল্ডত ৰাওন্দ লগাই - মই বহি চাই থাকোঁ - তাৰ ফিল্ডৰ ৰাওন্দ শেষ হ’লে আকৌ জগিং কৰি ওপৰলৈ উঠো - পাছে জগিং প্ৰথম হেয়াৰ পিন বেন্দটো লৈকেহে কৰা হয় - তাৰ পাছত তাৰ পেটৰ বিষ মোৰ হাওফাওৰ হাফু হাফু আৰম্ভ হৈ যায় - বাকীদোখৰ দূৰত্ত্ব খোজকাঢ়ি্যে আমি আমাৰ সন্ধিয়াৰ জগিং সম্পূৰ্ণ কৰোঁ - হোষ্টেল পোৱাৰ আগে আগে ডিপাৰ্টমেন্টেল ষ্ট’ৰৰ মিলমা কেন্টিনত ১০ মিনিট বহি ভাগৰ পলুৱা্ও - লগত থাকে মিলমা স্পিছিয়েল চুইট লাইম জুচ আৰু কেতিয়াবা মিলমা পেড়া -

প্লেছমেন্ট চিজন শেষ হ’ল যোৱাটো সপ্তাহত - অনিৰুদ্ধে মাল্টিনেচনেল এফএমচিজি কোম্পানিত  পালে, ময়ো ৰিস্ক এনালিষ্ট হিচাপে ফাইনেন্স কোম্পানী এটাত জইন কৰিম - সকলো এতিয়া নিচিন্ত -  জীৱনৰ এই অন্তহীণ ৰেট ৰেচত ক্ষন্তেক বিশ্ৰাম লোৱাৰ সময় এয়া যেন-  এইকেইদিন আগতে কাহানিও নেদেখা কেইবাখনো নতুন মুখো দেখিছোঁ গধূলী জগিং কৰিবলৈ ওলাই অহা -মোটা দৰমহাৰ পেকেজ সুনিশ্চিত কৰাৰ পাছত এতিয়া লক্ষ্য শ্লিম ফিগাৰ --  বেয়া নহয় অৱশ্যে - ভাল চেলাৰীৰ লগতে ভাল ফিগাৰ থকাটো অতিকে দৰকাৰী - কবলৈ গ’লে এটা কমপ্লিট পেকেজ -

আজিও অনিৰুদ্ধ আৰু মই আহি কেন্টিনত বহিলোহি - দুটা চুইট লাইম জুচৰ অৰ্ডাৰ ৰহমানদাক দি বাহিৰৰ বেন্সিতে আহি বহি পৰিলোঁ - ফাৰ্ষ্ট ইয়েৰৰ গ্ৰুপ এটাৰ  আদ্দা চলি আছে - চিনাকী কোনোবা আছে নেকি চালোঁ - নাই চিনাকী মুখ দেখা নাপালোঁ -

-

- কেম্পাছৰ এইবাৰ হাইয়েষ্ট পেকেজ কিমান?? আদ্দাৰ কিছু টুকুৰা আহি কাণত পৰিলহি আমাৰ -

এইটো সময়ত কেম্পাছত দুটা মানুহ গোট খালেই পেকেজ প্লেছমেন্টৰ কথাই স্থান পায় প্ৰথমতে - আমিও যোৱা বছৰ এইটো সময়ত একেবিলাক কথাই পাতিছিলোঁ - কোনে পিপিঅ (প্ৰি প্লেছমেন্ট অফাৰ) পালে, কোনে পিপিআই (প্ৰি প্লেছমেন্ট ইন্টাৰভিও) পালে সকলো কথা নখ দৰ্পণত আছিল আমাৰ - মিলমা কেন্টিনৰ আদ্দাত প্লেছমেন্ট পেকেজে স্থান পোৱাটো একো অস্বাভাবিক নহয় - কেম্পাছৰ সকলো খবৰৰ উৎস যে এই মিলমা কেন্টিন -

৩২ লাখ - ডিবি য়ে দিছে --  আমাৰ হোষ্টেলৰ প্ৰাপ্তিয়ে পাইছে --  ফ্ৰন্ট এন্ড ইনভেষ্টমেন্ট বেংকিং ৰ’ল - ছোৱালী এজনীয়ে উত্তৰ দিলে -- প্ৰাপ্তি চি হোষ্টেলৰ - ছোৱালীজনীও চি হোষ্টেলৰে  হ’ব লাগিব -

ডেট ইছ গ্ৰেন্ড - লগৰজনীৰ মাত সেয়া - মাততোত আকুলতাৰ চিন স্পষ্ট-

মেগী, চাহৰ আদ্দাত প্লেছমেন্টে নিজৰ ঠাই গজগজীয়া কৰি লৈছে -- সোনকালে এইটো টপিক ভঙ্গ হোৱাৰ আশা নাই -

আনকালে হোৱা হ’লে অনিৰুদ্ধ আৰু মই তাতে আৰু ২০ মিনিটমান সময় বহিলোহেতেন- কথা পাতিলোহেতেন - আজি সময় নাই - গধূলী ক্ৰাউন থিয়েটাৰত চিনেমা চোৱা প্লেন আছে - হাতত সময় নাই বেছি -  ৰহমান দাক খাটাত আজিৰ খৰচ লিখিবলৈ কৈ  দুয়োটাই খোজ ল’লো হোষ্টেললৈ - ওলাই যাওতে গ্ৰুপটোলৈ আকৌ এবাৰ চকু ফুৰালোঁ - সকলোবোৰ আদ্দাত নিমজ্জিত - আজিৰ এই প্লেছমেন্টৰ লগত যে সিঁহতৰ ভবিষ্যতৰ সপোনবিলাক এক অদৃশ্য সূতাৰে বান্ধ খাই আছে -- এক নিবিঢ় একাত্মীয়তা যেন -

এই প্লেছমেন্ট, জব উইথ এ বিগ ফেট চেলাৰী - এইবিলাক বস্তুৱে মোক অকনো আকৰ্ষিত নকৰে - এনে নহয় যে মই টকা-পইছা নিবিচাৰোঁ - বিচাৰোঁ মই - আন দহোজনৰ দৰে মোৰো সপোন কিছু আছে, সেয়া পূৰণ কৰিবলৈ মোকো টকাৰ দৰকাৰ - কিন্তু সেই টকা মই নিজে বিচৰামতে ঘটিব বিচাৰোঁ - নিজে ভাল পোৱা কাম কৰি টকা ঘটাৰ মজাই বেলেগ - - জীৱনটো এটা কিউবিক’লতেই পাৰ কৰি দিয়াতো মই একেবাৰেই সমৰ্থন নকৰোঁ - পাৰিম কৰিব সেয়াও যদিহে মই নিজে ভালপোৱা কাম কৰিবলৈ পাও -- কিন্তু লাখটকাৰ দৰমহা দিয়া এই মাল্টিনেচনেলৰ বেলেন্স শ্বীট, প্ৰফিট এন্ড লছ ষ্টেটমেন্টৰ প্ৰকোপত কেইজনে নিজে ভালপোৱা কাম কৰিবলৈ পায় - এক্সেল, পিপিটি ৰ মাজতেই জীৱন স্তব্ধ হৈ যায় - বাহিৰৰ গ্লেমাৰৰ প্ৰতাপত যে মনৰ সপোনৰ পাহিবোৰ চিৰাচিৰ হৈ যায়, তিলতিলকৈ জীৱনৰ ৰংবোৰ শেষ হৈ যায় -

নিবিচাৰিছিলোঁ মই এনে জীৱন - কিন্তু ইয়াৰ পাছতো বহি পৰিছিলোঁ প্লেছমেন্টত - বিকল্প যে নাছিল-

কেতিয়াবা ভাবোঁ - ভুল কৰা নাইতো মই -- বিকল্প সঁচাকৈয়ে নাছিল নেকি বাৰু ?
মনত পৰিল প্ৰথমদিনা কেম্পাছত প্ৰফেচাৰে পৰিচয় লওতে সকলোকে সুধিছিল - কিয় তোমালোকে এমবিএ কৰিব বিচাৰিছা -
ইন্টাৰভিও ৰাওন্দতো একেটা প্ৰশ্নৰে সন্মুখীন হৈছিলোঁ - কিন্তু তেতিয়া উত্তৰ দিছিলোঁ ইমপ্ৰেছ কৰিবলৈ - কেৰিয়াৰ গ্ৰউথ, লাৰ্নিং কাৰ্ভ, ম'ৰ ৰেছপনছিবিলিটি আৰু ক'ত কি যে কৈছিলোঁ --
কিন্তু সেইদিনা প্ৰফেচৰজনৰ একেটা প্ৰশ্নতে একো নভবা নিচিন্তাকৈ মনলৈ অহা ভাবটোকে কৈ দিছিলোঁ -
অসমৰ কাৰণে কিবা এটা কৰিব বিছাৰোঁ - বিশেষকৈ পৰ্য্যটনৰ দিশটোত -
সেয়া দুটা বছৰৰ আগৰ কথা ----

কেতিয়াবা ভাবোঁ - প্লেছমেন্টৰপৰা অপ্ট আওট কৰিব লাগিছিল নেকি বাৰু ??? প্লেছমেন্টত বহি মই নিজকে নিজে ফাঁকি দিয়া নাইতো --

সৰুতে পঢ়া তীখৰৰ অংক জংক পংকৰ এটা সাঁথৰ মনলৈ আহিল --

তীখৰে এবাৰ লগৰটোক দুটা চইছ দিলে -- প্ৰথমটো হ’ল তীখৰে লগৰটোক ৩০ দিনলৈ দৈনিক এক লাখ টকাকৈ দিব --

আনটো হ’ল - প্ৰথম দিনা ১ টকা দিব দ্বিতীয় দিনা ২ টকা তৃতীয় দিনা ৪ টকা  এনেকৈ ৩০ দিনলৈ প্ৰত্যক দিনাই আগদিনা দিয়া টকাৰ দুগুণ দিব -

লগৰজনে কোনো চিন্তা নকৰাকৈয়ে বিনা দ্বিধাই প্ৰথমটোকে বাছি ল’লে -- কিন্তু পাছতহে তীখৰে হিচাপ কৰি দেখুৱাতহে গম পালে যে  দ্বিতীয়টো অপছন লোৱা হ’লে ৩০ দিনত তেও কোটিপটী হ’ব পাৰিলে্হেতেন --- এটা ভুল সিদ্ধান্ত -

হোষ্টেলৰ গেটৰ মুখত অনুৰুদ্ধকো আজি একেটা সাঁথৰকে সুধিলোঁ মই -- চৰ্ত্ত ৰাখিলোঁ - প্ৰশ্ন শেষ হোৱাৰ লগে লগে উত্তৰ দিব লাগিব --

উত্তৰ আহিল- সিয়োঁ প্ৰথম বিকল্পটোকে বাছি ল’লে -- আঁচৰিত নহলোঁ মই - চিন্তা কৰিবলৈ যে সময়ো দিয়া নাছিলোঁ তাক -

অনিৰুদ্ধক আকৌ এবাৰ ভালদৰে দুয়োটা অপচন চালিজাৰি চাবলৈ কৈ নিজৰ ৰুমত সোমালোঁ --

ৰুমৰ ফেনখনৰ চুইটছটো অন কৰোতে মাথো এটা ভাবে মনত দোলা দি থাকিল -- আমি বাৰু জীৱনৰ এই প্লেছমেন্ট নামৰ সাঁথৰটোত কোনটো চইছ বাছি ল’লোঁ --

শান্ত সাগৰ অশান্ত মন --

শান্ত সাগৰ অশান্ত মন ~~~

ঘড়ীতোলৈ চালোঁ - ১০ বাজিবলৈ ১৫ মিনিট আছে - মাৰ্চ মাহৰ  কন্যাকুমাৰীৰ ৰাতিপুৱাৰ সূৰ্য্যটোৱে খাও খাও মূৰ্ত্তি ধৰি ওপৰলৈ উঠি আহিছে -- কপালত বিন্দু বিন্দু ঘামৰ অস্তিত্ব অনুভৱ কৰিলোঁ - ৰাতিপুৱা হোটেলৰ ৰুমৰ পৰা খৰখেদাকৈ ওলাই আহিছিলোঁ সূৰ্য্যোদয় চোৱাৰ আশাত - এঘন্টাৰ অপেক্ষাৰ পাছত সূৰ্য্য দেৱতাৰ দৰ্শন হয় মানে ডাৱৰৰ ওৰণীৰ লগত লুকা ভাকু খেলি বেলি গৈ মূৰৰ ওপৰ পালেগৈ  -  নিৰাশ মনেৰে ব্ৰেকফাচ্ট কৰি আহি এতিয়া বিবেকানন্দ ৰক মেমৰিয়েললৈ ফেৰী ধৰিবলৈ ফেৰীঘাটত প্ৰতিক্ষাৰত  আমি -- আমি মানে অনিবাৰ্ণ, অনিৰুদ্ধ, মিনাক্ষী আৰু মই -

অনিৰ্বাণ, অনিৰু্দ্ধে ৰেলিংত আওজি চিগাৰেটৰ ধুৱা ওৰুৱাইছে - ফেৰী আহিবলৈ এতিয়াও ১০ মিনিট সময় আছে - অফুৰন্ত সময় হাতত - ধুৱা ওৰোৱাবলৈ

মিনাক্ষীলৈ চালোঁ - অদূৰত শিল এছটাৰ ওপৰত বহি একান্তমনেৰে পানীলৈ চাই আছে -- সাগৰৰ পৰা মৰা বতাহজাকে চুৰিদাৰৰৰ আচলখন ওৰোৱাই নিও নিও কৰিছে, কাণৰ কাষৰ চুলিকিদাৰি বাৰে বাৰে মূখৰ সন্মুখলৈ আহি আমনি কৰিছে -- ধুনিয়া লাগিছে মিনাক্ষীক -- কেমেৰাটো তাইৰ পিনে ফকাছ কৰি ফ’ট এখন ল’লোঁ -

 অপূৰ্ব -- ভিউফাইন্ডাৰত ফ’টখন চাই নিজকে নিজেই কলোঁ --

“ বাবা - হাতখন চোৱাবা নি?? মাত্ৰ ১০ টকাতে তোমাৰ ভৱিষ্যত জানি লোৱা --

অচিনাকী মাতষাৰত পাছফাললৈ ঘুৰি চালোঁ - শেতা মুখেৰে মলিয়ন কাপোৰেৰে এগৰাকী পঞ্চাশোৰ্ধৰ মহিলা ৰৈ আছে -- হাত চোৱা মানুহ - মুখখনৰ চাৱনিত জ্যোতিষীৰ মুখত দেখা মই বৰ ভাৱ দেখা নাপালোঁ - তাৰ ঠাইত যেন কৰূণ চাৱনী আদহীয়া মহিলাগৰাকীৰ চকুত -- মহিলাগৰাকীক নিৰাশ কৰিবলৈ মন নগল এই ৰাতিপুৱাতে -- সোঁহাতখন আগবঢ়াই দিলোঁ -

“তুমি বৰ চোকা ল’ৰা, তুমি জীৱনত বহুত উন্নতি কৰিবা - -  মানুহগৰাকীয়ে হাতৰ তলুৱাখন চাই চাই মোৰ বিষয়ে কোৱা আৰম্ভ কৰিলে - আচৰিত হ’বলগীয়া একো নাছিল মোৰ বাবে -- জানিছিলোৱে এইশ্ৰেণীৰ মানুহে মানুহে শুনি ভাল পোৱা কথা কৈয়ে - ইয়েই যে জীৱিকা -- তথাপিতো কিবা বেলেগ কথা ক’ব বুলি আশা কৰি থাকিলোঁ - নাই নকলে - প্ৰেডিক্টেব’ল হিন্দি চিনেমাৰ ক্লাইমেক্সৰ নিচিনাকৈয়ে মোৰ ভবিষ্যতৰ কাহিনীৰ অন্ত পৰিল -

মানুহগৰাকীৰ ভাল ল’গা কথা শুনি অনিৰুদ্ধ, অনিবাৰ্ণৰো যেন তাঁহাতৰো ভৱিষ্যত জানিবলৈ মন গ’ল  -- ইটোৰ পাছত সিটোৱে  হাত দেখুৱাত লাগিল - হাঁহি উঠিল মোৰ - একেখন কেছেটকেই কিমান নুশুনে আৰু  -- কেমেৰাটো লৈ আতৰি গলোঁ - বেলিটোৱে অলপ দিগদাৰ দিছে ফ’ট তোলাত - বেলেগ এটা এনগ’লৰ পৰা ফ’ট ল’ব লাগিব ৰ’ক মেমৰিয়েলটোৰ  --

মিনাক্ষীলৈ চালোঁ - এতিয়া্াও একে ঠাইতে বহি আছে - চকুযুৰি নিলীম  সাগৰৰ অসীমত নিবদ্ধ - কিবা এটা যেন গভীৰ চিন্তাত বিভোৰ - কৰিবলৈ একো নাছিল মোৰ - লাহে লাহে খোজ ললোঁ তাইৰ ফালে --

মোৰ খোজৰ শব্দ শুনি মিনাক্ষীয়ে মই অহা ফালে ঘুৰি চালে -

হাত নেদেখুৱা তুমি ?? অনিৰুদ্ধ অনিবাণেও দেখুৱাইছে -- কাষতে বহি তাঁহাতলৈ আঙুলিয়াই হাঁহি মাৰি সুধিলোঁ তাইক -

নাই নেদেখাও - তোমাক কি ক’লে -

তোমাক পাম বুলি ক’লে - আৰু চিধাই কথাষাৰ তোমাক কবলৈ ইয়াত মই হাজিৰ - দুষ্টালি ভৰা হাঁহি এটা মাৰি উত্তৰ দিলোঁ -

খিলখিলাই হাঁহি উঠিল তাই - এনেকৈ হাঁহিলে মিনাক্ষীৰ চকু দুয়োটা প্ৰায় মুদ খোৱাৰ নিচিনা হৈ যায় - ভাল লাগে মোৰ --

ভৱিষ্যতৰ কথা তোমাৰ জানিবলৈ মন নাযায় ?

ভবিষ্যততো মই নিজে বিচৰা মতে গঢ়িব বিচাৰোঁ - তাৰ কাৰনে জ্যোতিষীৰ ওচৰলৈ যাবলৈ নিবিচাৰোঁ -- আকৌ খিলখিলনি -

কুৱাইট হেভী - তাইৰ হাঁহিত ময়ো যোগ দিলোঁ -

ধেমালীত কথাষাৰ ক'লেও মিনাক্ষীৰ কথাষাৰিত যে সত্যতা নাই তাক নুয়ো কৰিব নোৱাৰিলোঁ - সেইকাৰণেই মিনাক্ষীক ভাল লাগে মোৰ - যোৱা দুটা বছৰে তাইক দেখি আহিছোঁ - আন হাজাৰজনী ছোৱালীৰ দৰে নহয় তাই -- নিজৰ মন এটা আছে তাই -- ভাল বেয়া বিচাৰ কৰিব পাৰে - সময়ৰ ধৌত উটি যোৱা ছোৱালী নহয় - প্ৰয়োজন হ’লে সোঁতৰ বিপৰীতে যুঁজ দিবলৈও সাজু তাই -

আচ্ছা - বাৰু কোৱাছোন সেই যে দূৰত জাহাজখন দেখিছা, জাহাজখনে কেনেকৈ বাৰু দিক নিৰ্ণয় কৰে --

“ কম্পাছেৰে” -আচৰিত হোৱাৰ পাল এইবাৰ মোৰ -  এই সাধাৰণ কথাটোও নাজানে নে বেটছ ট’পাৰ মিনাক্ষীয়ে -

“বাৰু কম্পাছতো যদি নাথাকে, ধৰি লোৱা আছিল কিন্তু মাজ সাগৰত বেয়া হৈ গ’ল “

“কি হ’ব আৰু - দিকবিহীন ভাবে ঘুৰি ফুৰিব মাজ সাগৰত “  অলপ অস্বস্তিয়ে অনুভৱ কৰিলোঁ - কি যে কথাবোৰ সুধে নহয় এই ছোৱালীজনীয়ে --

এছাটি ধৌৱে আহি আমাৰ দুয়োটাৰে ভৰিকেইটা তিয়াই থৈ গ’ল -  চেঁচা চেঁচা ভাৱ এটা আহিল এই গৰমতো - ভাল লাগিল - ভাল লাগিল ধৌছাটিয়ে আমাৰ মাজলৈ কঢ়িয়াই অনা মৌনতা খিনিও - দূৰৈৰ জাহাজকিখনলৈ চাই পঠিয়ালোঁ - আৰু কিমান দিনলৈ বা এনেকৈয়ে মাজসাগৰত কটাব লাগিব - গন্তব্যস্থান নোপোৱালৈকে -

জানা, আমাৰ সপোনবোৰে জীৱনত কম্পাছৰ কাম কৰে - কেতিয়াও জীৱনৰপৰা এই সপোনবিলাক আতৰি যাবলৈ নিদিবা - নহলে মাজ সাগৰত দিক বিহীন হ’বা - সেই মাজসাগৰৰ কম্পাছ নথকা জাহাজখনৰ নিচিনাকৈয়ে -- আই হ’প ইউ আন্দাৰষ্টেন্দ ৱাট আই মীন --

 মিনাক্ষীৰ মুখলৈ চালোঁ -- এপলক আগতে খিলখিলাই হাঁহি থকা মুখখন অত্যন্ত চিৰিয়াছ-- পঢ়াক লৈ, কেৰিয়াৰক লৈ মিনাক্ষী সদায়েই চিৰিয়াছ -

মিনাক্ষীৰ কথাষাৰে মোক ভবাই তুলিলে - পাঁচ মিনিটৰ আগতে যে মই টু এটাও নোকোৱাকৈ জ্যোতিষীগৰাকীৰ ফালে হাতখন আগবঢ়াই দিলোঁ, সপোনবোৰ শেষ হৈ আহিছে নেকি বাৰু মোৰ জীৱনত -- কিয় বাৰু উৎকন্ঠাৰে জ্যোতিষীগৰাকীৰ মূখলৈ চাই ৰৈছিলোঁ কিবা এটা ভাল কথা শুনাৰ আশাত --

উত্তৰ দিবলৈ মোৰ হাতত উত্তৰ নাছিল -পৰিস্থিতিতো অলপ গহীনেই হৈ পৰিছিল - মই জানো মিনাক্ষীয়ে মোৰ পৰা উত্তৰ বিচৰা নাই - বিচাৰিছে মাথো মই কথাষাৰ এবাৰ ভাবি চোৱাটো - ভাবিব লাগিব এই বিষয়ে দকৈ - আই প্ৰমিজ ইও মিনাক্ষী -আই উইল ইনট্ৰস্পেকট- মনৰ ভিতৰতে ক’লো মই নিজকে -

মৃদু হাঁহি এটা মাৰি ক’লো - “ য়া - আই আন্দাৰষ্টেন্ড - ইউ আৰ দা কম্পাছ অাফ মাই লাইফ নাও--” বাৰু   ব’লা এতিয়া  ফেৰীতে উঠোগে - ফেৰি আহিবৰ হ’ল -- জাহাজত উঠিবলৈ সময় আছে এতিয়াও বহুত জীৱনত, পাছে পৰেও তাৰ কথা চিন্তা কৰিম --

অনিৰুদ্ধ, অনিবাণলৈ ঘুৰি চালোঁ - তাঁহাতি এতিয়াও জ্যোতিষীৰ লগত হাত দেখুৱাতে ব্যস্ত --

এপিয়লা গৰম চাহ, এজাক দোপালতিতা বৰষুণ আৰু এজাক সপোন

দুদিনমানৰপৰা দিল্লীত বৰষুণ দিছে দৈনিক - দিছে মানে বাৰুকৈয়ে দিছে - এজাক ১০ মিনিটৰ বৰষুনৰ কাৰণেও প্ৰস্তুত নোহোৱা মহানগৰীখনৰ কাৰণে প্ৰায় দৈনিক ২-৩ ঘন্টাৰ বৰষুণ কেইজাকে যঠেষ্ট সমস্যাৰ সৃষ্টি কৰিছে -

অলিয়ে গলিয়ে এআঠুলৈকে পানী, ৰাস্তাত পানী, যান-যট মুঠতে এইকেইদিন দিল্লীবাসীৰ কাৰণে বাহিৰলৈ ওলাবলৈকে চিন্তা হৈছে - সাধাৰণতে ৫-১০ মিনিটত অতিক্ৰম কৰা দূৰত্ত্ব যাবলৈ এইকেইদিন ঠাই বিশেষে ৩০-৪৫ মিনিট পয্যন্ত লৈছে - সেয়েহে বিশেষ দৰকাৰ নহলে বাহিৰলৈ ওলোৱা বাদেই দিছো এইকেইদিন - ঘৰৰ ভিতৰৰপৰাই বাৰিষাৰ বৰষুণৰ সোৱাদ লোৱা যাওক - এনেও দিল্লীত এনেদৰে বৰষুণক লগ পোৱা ইমান এটা সহজ নহয়  -

আজিও বতৰ একেই - ৰাতিপুৱাৰেপৰা বৰষুণ একেৰাহে দি আছে বুলি ক’ব পাৰি - মাজে মাজে এৰে আকৌ দিয়ে  - আগফালৰ গলিটোত এআঠু পানী - কলৈকো ওলাই যাব নোৱাৰি -

একাপ চাহ বনাই লৈ খিৰিকীৰ কাষতে আহি বহিলোহি - বৰষুণজাক বাঢ়িহে হৈ গৈছে - সোনকালে এৰা আশা নাই - উঠি গৈ ইউটিউব’ত নতুনকৈ মুক্তি পোৱা নীলাকৈ আকাশত নামৰ নতুন অসমীয়া গানটো লগাই দিলো - এটা মিঠা কন্ঠত ভাহি আহিল --

নীলাকৈ আকাশত তৰাৰে ধেমালী - চুই চাও চুই চাও লাগে

জোনাকীৰ বোকোচাত তৰায়ে ওমলে - চুই চাও চুই চাও লাগে -

মনটো ভাল লাগি গ’ল -আকাশখন আজি নীলা নহয় - বৰং এতিয়া আকাশখনত ঘোৰ কলীয়া ডাৱৰৰ একছত্ৰী ৰাজত্ত্ব - নাই এতিয়া জিকমিক কৰি থকা তৰাও - আছে মাথো অসংখ্য সৰি পৰা বৰষুণৰ টোপাল -

 তথাপিতো মনতো ভাল লাগি গ’ল - এখনি গোমা আকাশ আৰু সৰি পৰা বৰষুণৰ টুপাল - চুই চাও চুই চাও লাগিছে

কেতিয়াবা চুই চাও বুলি চুই চাইছিলো নে বাৰু বৰষুণৰ টোপাল -আকাশলৈ মুখ কৰি পাতি দিছিলোনে মুখখন বৰষুণৰ টোপাল বিলাকৰ সোৱাদ লবলৈ -- লৈছিলোঁ কিয় নলৈছিলোঁ- ছাটি থাকিলেও ছাটিতো মেলি নলৈ বৰষুণত তিতিছিলোঁ - আঠুলৈকে পেন্টটো কোচাই ৰাস্তাতোৰ পানীজমা হোৱা ঠাইখনত ভৰি দি আগবাঢ়িছিলোঁ - ভৰিৰ তলুৱাৰে পানীখিনি শুকানঠাইদোখৰলৈ ঠেলি দিছিলোঁ - কিযে উৎসাহ আছিল, কেনে যে ৰং লাগিছিল -

চাহত সুহা মাৰিলোঁ - এনে বতৰত পকৰিৰ লগত আদা দিয়া চা্হৰ সোৱাদেই বেলেগ - পাছে এই বৰষুণত এআঠু পানীত তিতি বুৰি পকৰি কিনাতকৈ ৰুমতে থকা কাটা বিস্কুটেই ভাল হ’ব যেন লাগিল  - গৰম চাহে গাটো গৰম উঠাই দিলে -

লেপটপটোৰপৰা ভাহি আহিল --

তোমাৰে দুচকুত সপোনে ওমলে - চুই চাও চুই চাও লাগে --

ভাল লাগিছিল - খুব ভাল লাগিছিল তাইক - চালে চাই থাকিবলৈ মন গৈছিল - তাইৰ লগত কটোৱা সময়বোৰ কেনেকৈ গৈছিল গমকে নাপাইছিলোঁ - সময়বোৰ যেন সপোন আছিল তেতিয়া - সপোনৰ ৰং বিৰঙৰ লহৰত ময়ো নিজকে উটুৱাই দিছিলোঁ - কিন্তু জনা নাছিলোঁ কেনেবাকৈ সপোনৰ সাগৰত অহা বা মাৰলিত মোৰ জাহাজ ডুবিলে মোৰ কি অৱস্থা হ’ব  -  আৰু এদিন সেয়াই হ’ল - সেই অলেখ এজাৰ সপোন সপোনেই হৈ থাকিল - আশাতীতভাবে টাইটানিকৰ দৰেই মনৰ মহাসাগৰৰ তলিত অলেখ সপোন লৈ মোৰ সপোনৰ জাহাজ ডুব গ’ল - জীৱনৰ কোবাল সোঁতত এতিয়া সকলো সপোন মাথো কেৱল মনৰ উৱলি যোৱা আধালিখা দস্তাবেজতেই আবদ্ধ -- মাজে মাজে নিগৰি ওলাই আহে - প্ৰথমতে বুজিবলৈ কষ্ট হৈছিল - আজিকালি স্বাভাবিক হৈ পৰিছে আৰু  - সপোন দেখিবলৈ এতিয়া ভয় হয় - কিজানি আকৌ একে দশা হয় -

বৰষুণজাকো এটা সময়ত হাতেৰে ঢ়ুকি পোৱাতে আছিল - দিল্লীত চুই চাও বুলিলেও  বৰষুণ নাই -  প্ৰায়ে সুধিছিলোঁ বৰষুণ আ্হিলে থাকিবনে  বৰষুণজাক চুই চাবলৈ মোৰ আগৰদৰে সেই উৎসা্হ, পামনে বৰষুণজাকত বিচাৰি সেই তাঁহানিৰ মাদকতা -- ভাবিছিলোঁ নিশ্চয় থাকিব সেই উৎসাহ,পাম সেই মাদকতা -- কিয় নাপাম -

খিৰিকিৰে হাতখন বাহিৰলৈ উলিয়াই দিলোঁ - চেঁচা বৰষুণৰ টোপালবিলাকে হাতখনত বেজীয়ে বিন্ধাদি বিন্ধিলে - চুলে জয় পৰি যোৱা নিলাজীবনৰ নিচিনাকৈ হাতখন আপুনা আপুনি কোচখাই আহিল - ক'ত হেৰাল সেই তাহানিৰ উৎসাহ,ক'ত লুকাল সেই মাদকতা --  বৰষুণৰ টোপালবিলাক চুই চোৱাতকৈ এতিয়া চাহৰ সোৱাদলৈ বৰষুণজাক দূৰৈৰপৰা চোৱাতহে বেছি আমেজ থকাৰ দৰে লাগিল! জীৱন সঁচাকৈয়ে বৈচিত্ৰপূৰ্ণ !!!

মনটো বেজাৰ লাগি গ'ল - গানটো শুনিবলৈ মন নগল আৰু !! উঠি গৈ আন এটা গান লগাই দিলোঁ -- জুবিনৰ কন্ঠত ভাহি আহিল --

"ভুলতো নাচাবা তুমি, নামাৰিবা মিঠা হাঁহি 

 নালাগে তোমাৰ মৰমকে নালাগে তোমাৰ প্ৰেৰণাকে 

থাকিম অকলে অকলে, পাৰিম জীৱন সজাবলে"   ---

Jajabor (যাযাবৰ) - The traveler in me

~World is a book. those who do not travel read only one page ~~

In a lazy Saturday morning I was just thinking about planning my next journey .. And the idea of coming up with this blog came to my mind. In march 2014 I left IIMK campus and I was not sure what life had in it for me for the coming months. Now looking back at the events that happened in the last 15 months or so I can say .. not bad at all .. Visited many places across India, made many friends, learnt different cultures and more importantly got valuable insights about life. The experience ratings that I have provided about the places are based on my personal experience. So if you decide to visit any place I have mentioned here do take reviews from other sources.

Happy Reading...


Srinagar -- September 2015
Experience: ★★★★

Ask the Shikara guy to take you to thae other side of Dal lake,where very few people go and enjoy the calm and serene peace. If you go in the afternoon, the sunset would be an added bonus !!!


Gangtok- Nathula, Sikkim, August ,2015
Experience: ★★★
Must: Rumtek Monastery, Nathula Pass

Avoid visiting this place in monsoon season. The beautiful land is robbed of its amazing beauty during the monsoon.  If you visit this place in monsoon you would still enjoy this place and you would realize the sheer beauty that this land wear during the peak season.  Feb-April best time to visit.

Manali, Himachal Pradesh June,2015
Experience: ★★★★★

Visited Places:: Solang Valley(13km) Hadimba Temple, Hot water Spring at Vashist(6km), Golaba(15 km), Nehru Kund 

A place that has in its store an offer for everyone -- From the chilling Rohtangpass Drive to the lazy basking on the bank of Beas with the snowy mountains in the backdrop, Manali provides you everything to feed your adrenaline rush. 

Tajmahal Agra May 2015

Experience: ★★★★★

Be among the first few to enter the campus in the morning - you would cherish the moment for life

Chandigarh, May,2015
Experience: ★★★

Visited Places: Rock Garden, Sukhna Lake, Rose Garden

Rock garden

Munnar Kerala April,2015
Experience: ★★★★

Visited Places: Mattupetty Dam, Kundala Dam Lake, Top Station, Echo Point, Lock Heart Gap, Muniyara Dolmens

Beautiful Tea Gardens, good roads and the lovely Rains in Kerala 

Auli, Uttarakhand March,2015

Experience: ★★★★★

Snow snow and more snow .. Paradise for skiing

Haridwar, Uttarakhand March,2015
Experience: ★★★

Har Ki Pauri - Evening Aarti is something you should experience

Nandi Hills, Bangalore Feb,2015
Experience: ★★

Nothing spectacular about this place - can be visited just only to see the sunrise 

Rishikesh Uttarakhand Jan,2015
Experience: ★★★

For me Rishikesh is all about Adventure Sports. If you are not interested in Adventure Sports you can give this place a miss

Lansdowne Uttarakhand January 2015

Experience: ★★★

Day Break in Himalayas

Kaziranga National Park, Assam January 2015

Experience: ★★★★

Early morning Elephant Safari  - The Jeep safari in the afternoon is also a must

Jaipur.. Rajasthan December 2014

Experience: ★★★★

Visited Places: Hawa Mahal, Jantar Mantar, Palace, Amer Fort, Jal Mahal

Friendly localites, delicious food and a rich royal heritage

Shillong ... Meghalaya  November 2014
Experience: ★★★★

Visited Places: Laitlum, Kyrdemkhla

At Laitlum -- a wonderful dawn in the middle of pristine beauty

Shimla, Himachal Pradesh 

Experience: ★★★  

Somehow couldn't find the glory of Shimla that I used to hear all these years

Kalka-Shimla Toy Train 

Experience: ★★★★★

One of those few train journeys I would love to undertake again and again

Neemrana Fort, Rajasthan September, 2014

 Experience:  ★★

Do not go there just for visiting the fort. Go only if you decide to stay in the fort.

  

আগতে প্ৰেম কৰা নাই – প্ৰেম চাগে এনেকুৱাই

  আগতে প্ৰেম কৰা নাই – প্ৰেম চাগে এনেকুৱাই

কালি ভন্টিয়ে ক’লে বুদ্ধ পূৰ্ণিমা ৰাতি গাৰু তলত গোলাপ ফুল লৈ শুলে ৰাতি হেনো জীৱন লগৰীক দেখা পায় – সেইমতে ভন্টিয়ে কোৱামতে সন্ধিয়া বজাৰলৈ গৈ গোলাপ ফুল এপাহ কিনি আনি গাৰুৰ তলত থৈ শুৱাৰ প্লেন বনালোঁ -বুলু আজি দেখিমেই দেখিম – সন্ধিয়া মাৰ্কেটলৈ গৈ ১০ টকা দি তেজ ৰঙা গোলাপ ফুল এপাহ কিনি আনিলোঁ – এই যেন বেজীৰে ফুটাই দিলে পাহীৰপৰা তেজ বিৰিঙি আহিব  -- গোলাপফুল পাহ দেখিয়েই মনটো পুৰা ৰোমাণ্টিক ৰোমাণ্টিক হৈ গল দেই -- আগতে প্ৰেম কৰা নাই – প্ৰেমৰ অনুভূতি চাগে এনেকুৱাই

ভবা মতে প্লেন – গধূলিতে ভাত পানী বনাই খাই মেলি ৰেডি। ফেচবুক, ৱাটছএপো বন্ধ কৰি থলো ৯ তা বজাতে – শুৱাৰ আগতে ভালকে ড’ভ চাবোন আৰু গাৰ্নিয়াৰ চেম্পুৰে গা-মূৰ ভালকে ঘঁহি ঘঁহি ধুলো – তাৰ পাছত গোতেই গাতে পুৰা ডিঅ মাৰি ফ্ৰেছ ফ্ৰেছ হৈ ল’লো – আনকালে ১২ তাৰ বজাৰ পাচত শু- কালি ১১ তাতে শুলো – পূৰ্ণিমাৰ ৰাতি – ৰোমান্টিক লাগক বুলিয়েই ৰুমৰ খিৰিকি কেইখন খুলি দিলোঁ – জোনাক এজোৰাই ৰুমটোলৈ সোমাই আহি পুৰা পোহৰাই দিলে – কেনে মজ্জা আৰু -- এনে লাগিছিল – আজি মত্যৰ কোনোবা নাহিলে স্বৰ্গৰপৰা বাপ্পেকে অপ্সৰা এজনী হলেও নামি আহিব সপোনত –

 বাহিৰৰ জোনাকভৰা আকাশ আৰু জোনটোলে চাই চায়ে টোপনী গ’লো -- চিলমিলকৈ টোপনীতো আহিছিল আৰু  -- ৰুমটোলৈ যেন কোনোবা যেন আহিছে এনে লাগিল – বুকুৰ ধপধপনি বাঢ়ি গল দেই -- অলপ পাছত এনে লাগিল যেন মূৰৰ শিতানত বহি লৈ কানৰ কাষত যেন কোনোবাই কিবা কিবি কৈ আছে – কু কু কু  --এইবাৰহে এইবাৰ আৰু দেই -- প্ৰেমৰ ভাষা চাগে এনেকুৱাই – মই পাচে একো বুজা নাই -- চেহ মই পাছে বুজি নাপালে কি হ’ব এতিয়া – আগতে প্ৰেম কৰা নাই – প্ৰেমৰ অনুভূতি চাগে এনেকুৱাই

 অলপ পাছত এনে লাগিল যেন গা মুৰ গোতেইখন খজুৱাইছে  -ৱা এইটো কেনেকুৱা কথা – গোতেই গাতোতে যেন কিহবাই কামুৰিছে – বিহুগীত বিলাকত যে মৰম সনা কথা কয় এয়াই নি বাৰু ?? – হ’ব পাৰে - আগতে প্ৰেম কৰা নাই – প্ৰেমৰ অনুভূতি চাগে এনেকুৱাই –

 ভাবিলোঁ অলপ পাছত চাগে – এই কু কু বাৰ্ত্তালাপ, প্ৰেমৰ খজুৱটীবোৰ আতৰিব – তাৰ ঠাইত ধুনীয়া মূখ এখনি আহি সপোনত দেখা দিব, হিয়া শাঁত পেলাই দিব – আগ্ৰহেৰে বাট চাই ৰ’লো সেই ক্ষণটোলৈ- কি হ’ব পাৰে মই নাজানোঁ - আগতে প্ৰেম কৰা নাই – প্ৰেমৰ অনুভূতি চাগে এনেকুৱাই

এক ঘন্টামান সময় অপেক্ষা কৰিলোঁ কিজানি - নাই ইমান আগ্ৰহেৰে বাট চোৱাৰ পাছতো তেনে ক্ষন অহাৰ একো উম ঘাম নাপালোঁ – বৰঞ্চ কু কু ৱনি আৰু খজুৱতীবোৰ বাঢ়িলহে - আগ্ৰহ লাহে লাহে তিক্ততালৈ পৰিৱৰ্ত্তন হ’ল –

  শেষত ধৈৰ্য্যৰ সীমা চিগিল মোৰ – লাইট অন কৰি ঘড়ীটো চালো – ১২ বাজি ০৫ মিনিট – শোৱা এক ঘন্টায়ো হোৱা নাই – আৰু ৰুমত এয়া কি - গোতেই ৰুমটোতে দেখোন মহৰ দপদপনি  -- আনকালে ৰুমৰ দুৱাৰ খিৰিকি খুলি নোশোঁও মই – আজি সপোনৰ ৰাজকুমাৰীক চাবলৈ গৈ দুৱাৰ খিৰিকী খুলিবলৈ গৈ এনে অৱস্থা – নিজৰ ওপৰতে খং উঠিল – কিহৰ উকে খাইছিল বাৰু খিৰিকী কেইখন খুলিবলৈ – ভৰি হাতৰ চিটচিটনীয়ে খংতো দুগুনে বঢ়াই তুলিলে --

 গাৰুতো দাঙি গোলাপ পাহ চালোঁ – সন্ধিয়াৰ তেজৰঙা ফ্ৰেছ গোলাপ ফুল পাহ দেখোন চেপেটা হ’ল – পাহিবোৰো গাৰুৰ ভৰত চিগি ফান ফান হ’ল – গোলাপ পাহ দেখি মোৰ মনটো মৰহি গ’ল –

গোলাপ ফুল পাহ দাঙি ৰুমৰ দাষ্টবিনটোত দলিয়াই দিলোঁ – মনটো কিবা শোকে খুন্দা মাৰি ধৰিলে –

কিহৰ শোক ধৰিব নোৱাৰিলোঁ – প্ৰেমৰো নেকি বাৰু??? -- হ’ব পাৰে - আগতে প্ৰেম কৰা নাই – প্ৰেমৰ অনুভূতি চাগে এনেকুৱাই --

  উঠি গৈ অল আউটৰ ছুইটছটো অন কৰি দিলোঁ -মহৰ কামোৰৰ চিটচিটনি তেতিয়াও মাৰ যোৱা নাই দেই --